Edward Lear

Edward Lear
Statsborgarskap	Det sameinte kongeriket Storbritannia og Irland
Fødd	12. mai 1812 Highgate
Død	29. januar 1888 (75 år) Sanremo
Yrke	skribent, lyrikar, illustratør, kunstmålar, romanforfattar, ornitolog, komikar, humorist
Språk	engelsk
Sjanger	landskapsmåleri, ornitologi
Edward Lear på Commons

Edward Lear (12. mai 1812–29. januar 1888) var ein britisk forfattar, biletkunstnar og illustratør. Lear er i dag mest kjend for dei mange limerickane og nonsensversa sine, men han var òg teiknar og skreiv fleire reiseskildringar frå hans mange reiser i middelhavsområdet, blant anna i Hellas, Egypt og Albania, illustrerte med teikningar og akvarellar.

Lear gav ut A Book of Nonsense («Ei nonsensbok») i 1846. Ho inneheldt meir eller mindre absurde og spøkefulle tullevers utforma som barneregler i limerickform. Boka var illustrert med eigne teikningar og var mynta på barn, men blei òg lesen av vaksne. Ho gjorde limerickforma populær og danna grunnlaget for den humoristiske sjangeren «nonsenslitteratur» i britisk litteratur. Samleutgåva The Complete Nonsense of E. L. kom ut i 1947. Eit døme:

There was an Old Man with a beard,

Who said: «It is just as I feared! —

Two Owls and a Hen, four Larks and a Wren,

Have all built a nest in my beard.»