Gud

Jagannath, ei form av guden Visjnu, i eit alter ved vegen i Orissa. Statuen til høgre viser ein mann klar til å bøya seg for guddommen i bøn.

Koranen blir sett på som den direkte talen frå Gud til mennesket av muslimane. Denne sida er laga i Andalusia på 1100-talet.

Gud er ei nemning brukt om forestillinga om ei overnaturleg kraft eller eit vesen som har stor makt over verda, og ofte er både allmektig, allvitande og altnærverande. Ein skil mellom ein gud med liten bokstav, som kan vera ein av fleire gudar, og Gud med stor bokstav, som då blir rekna som den einaste guden. Tru på noko gudeleg kallar ein religion. Religionar har ofte fastsette måtar å nærma seg den overnaturlege krafta på, ofte gjennom ulike seremoniar eller bøn.