Light of the Stable

Meldingar
Karakter
Kjelde	Karakter
Allmusic	[1]
The Austin Chronicle	[2]

Light of the Stable er eit julemusikkalbum av Emmylou Harris. Det kom ut første gongen i 1979 på Warner Bros. Records men har sidan blitt gjeve ut fleire gonger med litt anna innhald opp gjennom åra. I 1992 kom ei ommastra utgåve med eit anna plateomslag. Den siste utgåva kom ut i 2004 på Rhino Records med tre ekstra spor i tillegg til dei opphavlege ti originale spora. Plateomslaget til denne utgåva kom frå den originale singelversjonen av «Light of the Stable» frå 1975. Tittelsporet vert sungen med harmonivokal av Neil Young, Dolly Parton og Linda Ronstadt.

Mark Deming i AllMusic gav albumet fire av fem stjerner og skreiv: «Emmylou Harris er ein artist med ei sjeldan form for røyst som kommuniserer på ein ærleg og menneskeleg måte, samstundes som røysta er krystallklår og nesten engleaktig. Kort fortalt er ho ein songar som vart fødd til å lage eit flott julealbum, og i 1979 gjorde ho akkurat det med Light of the Stable»^[1]

Gavin Edwards oppførte albumet på 19. plassen på Rolling Stone si liste over 40 essensielle julemusikkalbum. Han skreiv «Harris har alltid sunge som ein engel, og på dette albumet frå 1979 speler ho den parten.»^[3]

1. ↑ ^{1,0 1,1} Deming, Mark. Light of the Stable på Allmusic
2. ↑ Caligiuri, Jim (24. desember 2004). «Light of the Stable». The Austin Chronicle. Henta 14. november 2020. 
3. ↑ Edwards, Gavin. «40 Essential Christmas Albums». Rolling Stone Magazine. Henta 14. november 2020.