Back Arab Saudi ACE Сауд Арабие ADY Saoedi-Arabië Afrikaans Saudi-Arabien ALS ሳዑዲ አረቢያ Amharic Saudi arabia AMI Arabia Saudita AN Saudisc Arabea ANG Sawudi Arebia ANN सऊदी अरब ANP

Saudi-Arabia

المملكة العربية السعودية
Al-Mamlakah al-ʿArabiyyah
as-Saʿūdiyyah

(norsk: Saudi-Arabia, saudiarabisk)

Det saudiarabiske flagget Det saudiarabiske riksvåpenet
Flagg Riksvåpen
Nasjonalsong «Aash al malik»
Motto لا إله إلا الله محمد رسول الله
Transliterasjon: lā ilāhā illā-llāhu;
muhammadu-r-rasūlu-llāhi)
Omsetjing: «Det finst ingen annan gud enn Allah,
og Muhammad er bodberaren åt Allah.»
Geografisk plassering av Saudi-Arabia
Offisielle språk Arabisk
Hovudstad Riyadh
Styresett
Monarki
Salman bin Abdulaziz
Muqrin bin Abdulaziz
Flatevidd
 – Totalt
 – Andel vatn 		 
2 149 690 km² (12.)
0 %
Folketal
 – Estimert (2017)
 – Tettleik 		 
28 571 770 (46.)
13,3 /km² (178.)
Samla
23. september 1932
Nasjonaldag 23. september
BNP
 – Totalt (2015)
 – Per innbyggjar 		 
1 849 000 mill. USD (13.)
57 000 USD (14.)
Valuta Saudiarabisk riyal
Tidssone UTC +3
Telefonkode +966
Toppnivådomene .sa


Saudi-Arabia (arabisk السعودية, as-Su‘ūdiyyah eller as-Sa‘ūdiyyah), offisielt kalla Kongedømet Saudi-Arabia (arabisk المملكة العربية السعودية al-Mamlakah al-‘Arabiyyah as-Su‘ūdiyyah) er eit arabisk land i Vest-Asia som dekkjer det meste av Den arabiske halvøya. Med eit landareal på 2 150 000 km², er Saudi-Arabia geografisk sett det neste største landet i Den arabiske verda etter Algerie. Saudi-Arabia grensar til Jordan og Irak i nord, Kuwait i nordaust, Qatar, Bahrain og Dei sameinte arabiske emirata i aust, Oman i søraust og Jemen i sør. Det er det einaste landet som grensar både til Raudehavet og Persiabukta, og det meste av terrenget er turr, ugjestmild ørken eller aude landformer.

Dagens Saudi-Arabia var tidlegare fire fråskilde regionar: Hejaz, Najd, og delar av Aust-Arabia (Al-Ahsa) og Sør-Arabia ('Asir).[1] Kongedømet Saudi-Arabia vart grunnlagd i 1932 av Ibn Saud. Han samla dei fire regionane til ein einskild stat gjennom ei rekkje erobringar frå og med 1902 med erobringa av Riyadh, der familien hans stamma frå; huset Saud. Landet har sidan vorte eit absolutt monarki, i røynda eit arveleg diktatur som vert styrt langs islamske liner. Wahhabi-islam har vorte kalla «det dominerande trekket ved saudisk kultur».[2][3] Saudi-Arabia vert stundom kalla «landet med dei to heilage moskeane», som viser til Al-Masjid al-Haram (i Mekka) og Al-Masjid an-Nabawi (i Medina), dei to heilagaste stadene i islam. Kongedømet har i alt 28,7 millionar innbyggjarar, der 20 millionar er saudiarabiske nasjonale og åtte millionar er utlendingar.[4][5][6]

Saudi-Arabia er den største oljeprodusenten og eksportøren i verda, og kontrollerer det nest største oljereservoaret i verda.[7] Med hjelp av fossile brensler har kongedømet vorte kategorisert som eit høginntektsland med høg Human Development Index (HDI),[8] og er det einaste arabiske landa blant G-20-landa.[9][10] Men Saudi-Arabia har den minst spreidde økonomien av landa i Golfrådet (GCC).[11] Det er eit monarkisk einevelde[12][13] og er rangert som «Ikkje fritt» av Freedom House.[14] Saudi-Arabia er nummer fire i verda i høve til militære utgifter,[15][16] og i 2010–14 hadde SIPRI Saudi-Arabia som den nest største våpenimportøren i verda.[17] Saudi-Arabia vert rekna som ei regional- og mellommakt.[18] I tillegg til GCC, er landet ein aktiv medlem i Organisasjonen for islamsk samarbeid og OPEC.[19]

  1. ↑ Madawi Al-Rasheed (2013). A Most Masculine State: Gender, Politics and Religion in Saudi-Arabia. s. 65. 
  2. ↑ Tripp, Culture Shock, 2003: s.14
  3. ↑ Malbouisson, s. 23
  4. ↑ «Saudi Arabia profile – Key facts». BBC News. 23. mai 2013
  5. ↑ «Saudi-Arabia Launches New Housing Scheme To Ease Shortage». 
  6. ↑ «Demography of Religion in the Gulf». Mehrdad Izady. 2013. 
  7. ↑ http://www.eia.gov/countries/index.cfm?view=production
  8. ↑ Human Development Report 2014 (PDF). United Nations. 2013. s. 159. 
  9. ↑ James Wynbrandt (2004). A Brief History of Saudi-Arabia. Infobase Publishing. s. 242. ISBN 978-1-4381-0830-8. 
  10. ↑ Soldatkin, Vladimir; Astrasheuskaya, Nastassia (9. november 2011). «Saudi-Arabia to overtake Russia as top oil producer-IEA». Reuters. Arkivert frå originalen 24. september 2015. Henta 13. oktober 2015. 
  11. ↑ «UAE has most diversified GCC economy». emirates247.com. 6. januar 2014. 
  12. ↑ «The Authoritarian Resurgence: Saudi-Arabia’s Anxious Autocrats». Carnegie Endowment. Henta 10. oktober 2015. 
  13. ↑ Democracy index 2012 Democracy at a standstill (PDF). The Economist Intelligence Unit. 2012. 
  14. ↑ «Freedom House. Saudi-Arabia». freedomhouse.org. Arkivert frå originalen 2. august 2015. Henta 13. oktober 2015. 
  15. ↑ The Military Balance 2014: Top 15 Defence Budgets 2013 (IISS)
  16. ↑ «The 15 countries with the highest military expenditure i 2013 (table)» (PDF). Stockholm internasjonale fredforskingsinstitutt. 
  17. ↑ «Trends in International Arms Transfer, 2014». www.sipri.org. Stockholm internasjonale fredforskingsinstitutt. Henta 18. mars 2015. 
  18. ↑ Barry Buzan (2004). The United States and the Great Powers. Cambridge, United Kingdom: Polity Press. s. 71. ISBN 0-7456-3375-7. 
  19. ↑ «The erosion of Saudi-Arabia's image among its neighbours». Middleeastmonitor.com. 7. november 2013. Arkivert frå originalen 9. november 2013. Henta 13. oktober 2015. 

Developed by StudentB