Back سويت (فريق روك) Arabic Sweet (qrup) Azerbaijani Sweet (гурт) Byelorussian Суит Bulgarian Sweet Czech Sweet Welsh Sweet Danish The Sweet German The Sweet English Sweet Spanish
| The Sweet | |||
 | |||
| Alias |
| ||
|---|---|---|---|
| Opphav | London i England | ||
| Aktiv |
| ||
| Sjanger |
| ||
| Plateselskap | |||
| Tidlegare medlemmer | Brian Connolly Steve Priest Mick Tucker Frank Torpey Mick Stewart Paul Day | ||
The Sweet, stundom berre forkorta til Sweet,[1][2][3] er eit britisk glamrockband som vart verdskjende i 1970-åra. Den mest kjende besetninga deira bestod av solovokalisten Brian Connolly, bassisten Steve Priest, gitaristen Andy Scott og trommeslagaren Mick Tucker. Gruppa heitte opphavleg The Sweetshop.
Bandet vart skipa i London i 1968 og fekk den første hitten sin, «Funny Funny», i 1971 etter å ha slått seg saman med låtskrivarane Nicky Chinn og Mike Chapman og plateprodusenten Phil Wainman. I 1971 og 1972 følgde den musikalske stilen deira ei markant utvikling frå The Archies-liknande tyggegummipop ala «Funny Funny» til ein Who-inspirert hardrockstil med bruk av høgstemt korvokal.
Bandet fekk først suksess på dei britiske singellistene og fekk tretten topp 20-hittar i 1970-åra. «Block Buster!» (1973) toppa lista etterfølgd av tre andreplassar på rad med «Hell Raiser» (1973), «The Ballroom Blitz» (1973) og «Teenage Rampage» (1974). Bandet vende seg til ein meir hardrockaktig stil i midten av karrieren, som «Turn It Down». «Fox on the Run» (1975) nådde òg andreplassen på den britiske singellista. Desse resultata vart toppa i Vest-Tyskland og andre land på det europeiske fastlandet. Dei fekk òg suksess i USA med topp 10-hittar som «Little Willy», «The Ballroom Blitz», «Fox on the Run» og «Love is Like Oxygen».
The Sweet fekk sin siste internasjonale suksess i 1978 med «Love Is Like Oxygen». Connolly slutta i gruppa i 1979 for å satse på ein solokarriere og dei attverande medlemmane fortsette som ein trio fram til dei vart oppløyste i 1981. Frå midten av 1980-åra spelte Scott, Connolly og Priest kvar med sine eigne versjonar av Sweet til ulike tider. Connolly døydde i 1997, Tucker i 2002 og Priest i 2020. Andy Scott er framleis aktiv med sin versjon av bandet. Sweet har selt kring 35 millionar plater verda over.