World Gone Crazy av The Doobie Brothers

World Gone Crazy er det trettande studioalbumet til den amerikanske rockegruppa The Doobie Brothers, gjeve ut 28. september 2010. Det debuterte på 39. plassen på Billboard Top 200-lista, som var den høgaste plasseringa deira sidan 1989. Den første singelen frå albumet var ei nyinnspeling av debutsingelen deira frå 1971, «Nobody». Tom Johnston sa om albumet: «Dette albumet har vore påtenkt i fem år, men me byrja ikkje seriøst å setje det saman før tre år sidan.»^[2]

Songane vart stort sett skrivne av gitaristane Pat Simmons og Tom Johnston. Sistnemnde skreiv tittelsporet og sa til Songfacts: «Delar av inspirasjonen til 'World Gone Crazy' er at verda har blitt noko sprø. Og mellom krigane me har hatt, mellom valden i gatene og i byane, er det folk gjer me kvarandre verda rundt ikkje noko som hadde skjedd for 20 år sidan.»^[3]

Det var det første Doobie Brothers-albumet som vart produsert av Ted Templeman sidan Farewell Tour 27 år tidlegare. Templeman hadde produsert eller samprodusert alle Doobie Brothers-albuma opp til det. Det var òg det siste albumet deira med trommeslagaren Michael Hossack som døydde av kreft i 2012. Hossack vart erstatta av den tidlegare Brian Setzer-trommisen Tony Pia. Munnspelspelaren Norton Buffalo er med posthumt på «Don't Say Goodbye», der Michael McDonald er med på vokal.

1. ↑ «New Doobie Brothers Digital Single». Doobie Brothers. Henta 7. november 2020. 
2. ↑ «Doobie Brothers Bio». Doobiebrothers.net. Henta 7. november 2020. 
3. ↑ «World Gone Crazy». Songfacts.com. Henta 7. november 2020.