Back Caballito CEB Caballito (Buenos Aires) German Caballito, Buenos Aires English Caballito Esperanto Caballito Spanish Caballito (Buenos Aires) Basque Caballito French Caballito, Buenos Aires Galician Caballito Italian カバジート Japanese
Caballito (çò qui vòu díser “chivalet” en occitan) qu’ei un quartièr de Buenos Aires. Qu’ei traucat per la grana avienguda Rivadavia e la linha A deu Subte (estacions Río de Janeiro, Acoyte e Primera Junta). Que s’i pòt passejar dens lo son parc Rivadavia on òm pòt observar ua estatua monumentau de Simón Bolívar.
Lo nom deu quartièr que vien d’ua pulpería (tant vau díser ua “taverna”) deu sègle XIX qui èra ondrada d’ua viroleta qui representava un chivau e per’mor de la quau lo monde qu’apèrava “Caballito” aquesta taverna. La viroleta originau que’s tròba uei lo dia dens lo Musèu Istoric de Luján mentre qu’ua copia, òbra deus escultors argentins Luis Perlotti e Juan Carlos Ferraro, qu’ei expausada desempuish l’annada 1969 suber la plaça Primera Junta.
