Back Nan binomial ACE Binomiale naam Afrikaans ክሌስም ስያሜ Amharic Sistema de nomenclatura binominal AN Twinemniendlic nama ANG تسمية ثنائية Arabic سمية علمية ARY اسم علمى ARZ বৈজ্ঞানিক নামকৰণ পদ্ধতি Assamese Nomenclatura binominal AST
En taxinomia (botanica, zoologia, etc.), lo nom binomial, o binòmi, proven de la combinason de dos noms e servís a designar un taxon de reng inferior al genre. Formalizada per Linné al sègle XVIII, la nomenclatura binomiala amb d’autres aspèctes formals de la nomenclatura biologica, constituisson lo « sistèma linnean ».
La nomenclatura binomiala es doncas una convencion estandardizada per nomenar las divèrsas espècias. Coma la paraula binomiala o suggerís, lo nom scientific d'una espècia es compausat per la combinason de dos mots: lo genre e l'espècia, aital dins un meteis genre pòdon existir divèrsas espècias que mantenon lo primièr tèrme e càmbian lo segond dins la nomenclatura binomiala. Lo nom de genre comença totjorn amb una majuscula e lo de l'espècia totjorn en minuscula; ambedós tèrmes s'escrivon en cursiva, per exemple: Homo sapiens.