Xavier Inchausti (Bahía Blanca, lo 16 de seteme de 1990) qu'ei un violonista argentin.
Vadut a Bahía Blanca dens la Província de Buenos Aires, qu'estudia dab lo mèste argentin Rafael Gintoli.
Que dè lo son purmèr gran concèrt en 2002 dab lo concerto per vriulon de Ludwig van Beethoven. En 2003 que qu'interpretè Johann Sebastian Bach (lo Preludi en Mi) suu gran canal de television nacionau ATC puish que dè lo son purmèr concèrt au Teatro Colón dab lo concerto no. 5 de Wolfgang Amadeus Mozart e la Partita en Rem de Bach.
Après que joguè dab totas las granas orquèstras argentinas e que dè un concèrt dab lo concerto de Beethoven au famós Gran Rex de Buenos Aires.
Qu'estudiè au Mozarteum de Salzborg e a l'Universitat de Viena e qu'interpretè en concert lo concerto de Felix Mendelsshon dens aquesta ciutat.
En 2008 que dè un concèrt dab la National Ukrainian Symphony en bèth interpretar lo concerto no. 1 de Shostakovich.
Qu'aubrí lo Festival Internacionau de Bòsnia dab lo concerto de Chaikovskii e l'Orquèstra Filarmonica de Sarajevo. Que ho invitat dab ua borsa entà estudiar en Israèl dab lo mète Shlomo Mintz e lo governador de la Província de Buenos Aires que'u autregè ua borsa. Que representè Argentina au Festival de Joens Talents de Moscòu.
Qu'intrepretè los 24 capricis de Niccolò Paganini hens Blibliotèca Nacionau de Buenos Aires.