Vladimir Lenin

Vladimir Lenin
Vladimir Lenin
	Владимир Ленин
	Photograph o Lenin in 1919, taken bi Grigori Petrowitsch Goldstein
Chairman o the Cooncil o Fowk's Commissars o the Soviet Union; (Premier o the Soviet Union)
	In office; 30 December 1922 – 21 Januar 1924
Precedit bi	Poseetion created
Succeedit bi	Alexei Rykov
Chairman o the Cooncil o Fowk's Commissars o the Roushie SFSR
	In office; 8 November 1917 – 21 Januar 1924
Precedit bi	Poseetion created
Succeedit bi	Alexei Rykov
Full member o the Politburo
	In office; 10 October 1917 – 21 Januar 1924
Term(s)	6t, 7t, 8t, 9t, 10t, 11t, 12t
Full member o the Central Committee
	In office; 3 August 1917 – 21 Januar 1924
Term(s)	6t, 7t, 8t, 9t, 10t, 11t, 12t
	In office; 27 Aprile 1905 – 19 Mey 1907
Term(s)	3rd
Personal details
Born	Vladimir Ilyich Ulyanov (Владимир Ильич Ульянов); 22 Apryle 1870; Simbirsk, Roushie Empire
Dee'd	21 Januar 1924 (aged 53); Gorki, Leninsky Destrict, Moscow Oblast, Roushie SFSR, Soviet Union
Restin place	Lenin's Mausoleum, Moscow, Roushie Federation
Naitionality	Roushie
Poleetical pairty	League o Struggle for the Emancipation o the Wirkin Class (1895–1898); Roushie Social Democratic Labour Pairty (Bolsheviks) (1898–1912); Roushie Communist Pairty (1912–1924);
Spoose(s)	Nadezhda Krupskaya (m. 1898–1924)
Relations	Aleksandr Ulyanov (brother); Anna Ulyanova (sister); Dmitry Ilyich Ulyanov (brother); Maria Ilyinichna Ulyanova (sister) and three other siblings;
Parents	Ilya Ulyanov; Maria Alexandrovna Ulyanova;
Alma mater	Saunt Petersburg Imperial Varsity
Thrift	Revolutionary, politeecian
Profession	Lawyer

Vladimir Ilyich Lenin (help·info) (Roushie: Влади́мир Ильи́ч Ле́нин), (22 Aprile (10t April A.S.), 1870 – 21 Januar, 1924) wis a Roushian revolutionary, the heid o the Bolshevik pairtie. Lenin wis a pen-name; he wis born Vladimir Ilyich Ulyanov (Улья́нов). He wis the first heid o the Soviet Union. He's kent as the foonder o Leninism an aw, that wis cried Marxism-Leninism bi Joseph Stalin later on.

At schuil, Lenin was awfy guid at the Laitin an the Greek. Houaniver, in 1887 he wis flung oot o Kazan State Varsitie for bein ower radical an protestin agin the Tsar, that wis the leader o Roushie at the time. In that year, his brither Alexander Ulyanov wis hanged for his pairt in a bomb plot tae kill Tsar Alexander III. Lenin went on studyin bi hissel, an in 1881 he gat a license tae be a lawer.

While he wis studyin law in the Roushian caipital St Petersburg, he fun oot aboot the thochts o Karl Marx an Friedrich Engels. Acause Marxism wisna alloued in Roushie, Lenin wis liftit an pitten in the jyle for a year, than exiled tae Siberie.

In Julie o 1898, whan he wis in Siberie, Lenin mairiet a socialist wumman, Nadezhda Krupskaya. In 1899, he set furth a beuk cried The Development o Caipitalism in Roushie. In 1900, Lenin wis lowsed frae Siberia.

Aifter he wis alloued tae leave Siberia, Lenin straivaigit aboot Europe. He began tae set furth a Marxist wittins blad cryed Iskra ("Spark"). He became a hie-up member o the Roushian Social Democratic Labour Pairtie, or RSDLP.

In 1903, Lenin haed an airgiement wi anither leader o the RSDLP, Julius Martov. This airgiment, aboot the organisation o the Pairtie (Lenin wantit a strict, centralised, an disciplined model - Martov a less strict, less centralised ane) dividit the pairtie in twa. Martov's uphauders became kent as Mensheviks ("minority"), Lenin's uphauders as Bolsheviks ("majority"). In fact Martov's uphauders wis a majority in the RSDLP, but Lenin's uphauders haed a majority on Iskra's editorial buird, whaur the name wis taen frae.

Lenin flittit tae Finland in 1907, acause it wis saufer for Marxists in Finland nor in Roushie. He stravaigit aboot Europe, visitin monie socialist convenes an events. Durin this time he bydit in different airts like Lunnon, Paris an, durin Warld War I, in Geneva. Whan war brak oot, the Seicont Internaitional, that includit the Bolsheviks, brak doun, whan sindrie memmer pairties uphaudit thair kintras in the war, gaun awa frae the Marxist idea o internaitionalism. Lenin an the Bolsheviks wis ane o a haundfu o groups an fowk juist that stuid agin the war for Marxist reasons.