Kidudu-deraya

Kidudu-deraya
Uainishaji wa kisayansi
Himaya: Animalia Nusuhimaya: Eumetazoa (bila tabaka): Bilateria (bila tabaka): Prostomia Faila ya juu: Ecdysozoa Faila: Loricifera Kristensen, 1983 Oda: Nanaloricida Kristensen, 1983
Ngazi za chini
Familia 3: Nanaloricidae Kristensen, 1983 Pliciloricidae Kristensen & Higgins, 1986 Urnaloricidae Heiner & Kristensen, 2009

Vidudu-deraya ni wanyama wadogo sana wa bahari wa oda Nanaloricida, oda pekee ya faila Loricifera wanaofunikwa na mabamba kama deraya. Wana urefu wa mm 0.1-1. Huishi katika masimbi ya sakafu ya bahari kwa vina vyote, aina zote za masimbi na latitudo zote^[1].

Wanyama hao wamefunua hivi karibuni kiasi. Faila yao imeelezewa mwaka 1983 na Kristensen. Mnamo 2021 spishi 43 zilikuwa zimeelezewa^[2], lakini spishi nyingine 100 zinasalia kuelezewa^[3].

Wana kiwiliwili kikubwa kilichozungukwa na mabamba sita ya deraya. Kichwa, ambacho hubeba miiba mingi iliyopinidika nyuma, huunganishwa na kiwiliwili kupitia shingo yenye pingili ambayo inaweza kurudishwa ndani ya deraya. Mdomo unaoweza kubenuliwa uko ncha ya mbele na umezungukwa na sindano nane. Ubongo umesitawi vizuri na umeunganishwa moja kwa moja na kila mwiba. Kamba ya neva hupita upande wa chini kuelekea ncha ya nyuma. Mfumo wa mmeng'enyo wa chakula huanza na mfereji wa mdomo ambao unaweza kutolewa. Kisha hufuata koromeo ya umbo la tufe iliyo na misuli yenye nguvu na hatimaye utumbo ulionyooka ambao hufunguka katika mkundu mwishoni kabisa ^[4].

1. ↑ Ruppert, Edward E.; Fox, Richard S.; Barnes, Robert D., whr. (2004). Invertebrate Zoology (tol. la 7th). uk. 776. ISBN 978-0-03-025982-1.
2. ↑ "New records on the rich loriciferan fauna of Trezen ar Skoden (Roscoff, France): Description of two new species of Nanaloricus and the new genus Scutiloricus", 5 May 2021. id 10.1371. 
3. ↑ Gad, Gunnar (17 Juni 2005). "Successive reduction of the last instar larva of Loricifera, as evidenced by two new species of Pliciloricus from the Great Meteor Seamount (Atlantic Ocean)". Zoologischer Anzeiger. 243 (4): 239–271. doi:10.1016/j.jcz.2004.09.001.{{cite journal}}: CS1 maint: date auto-translated (link)
4. ↑ {https://www.notesonzoology.com/phylum-loricifera/phylum-loricifera-features-and-classification-marine-animals/1732}