Kasalanan

Para sa ibang gamit, tingnan ang Sala (paglilinaw).

Para sa ibang gamit, tingnan ang Ligaw (paglilinaw).

Ang kasalanan, mula sa salitang-ugat na sala, ay ang pagsuway sa utos o batas ng Diyos,^[1][2] bagaman maaari ring pagsuway sa atas ng ibang tao o sa lipunan. Katumbas ito ng pagkakamali o kamalian, pagkukulang, paglabag, transgresyon, pagkaligaw mula sa tamang landas o daan, paggawa ng masama o sumama (naging masama).^[1] Kaugnay ng pananampalataya, tulad ng sa Kristiyanismo at Hudaismo, ito ang nagsasanhi ng pagkahiwalay o pagbali sa relasyon o pakikipag-ugnayan sa Diyos. Dating hindi kabahagi ng orihinal na kalikasan ng tao ang kasalanan (ang kasalanang orihinal) sapagkat ang unang mga tao, katulad nina Adan at Eba, ay may kakayahang pumili kung magtitiwala at susunod ba sila o hindi sa kautusan ng Diyos. Dahil sa kasalanan, nagkaroon ang mga tao ng katangiang pagkakaroon ng likas na kasalanan kapag ipinanganak sa mundo, isang bagay na nakaaalipin sa kanila, at nagbibigay ng daan patungo sa iba pang mga uri ng paglabag sa batas. Sa pananampalataya pa rin, ipinadala ng Diyos si Hesus upang magapi ang kapangyarihan ng kasalanan at tanggalin din ang parusa para rito. Sa pamamagitan ng pagkukumpisal ng mga kasalanan, napapatawad ng Diyos ang mga tao.^[2]

1. ↑ ^{1.0 1.1} Gaboy, Luciano L. Sin, venial, pride, envy, gluttony, lust, anger, greed, sloth - Gabby's Dictionary: Praktikal na Talahuluganang Ingles-Filipino ni Gabby/Gabby's Practical English-Filipino Dictionary, GabbyDictionary.com.
2. ↑ ^{2.0 2.1} The Committee on Bible Translation (1984). "Kasalanan". The New Testament, God's Word, The Holy Bible, New International Version (NIV). International Bible Society, Colorado, USA.{{cite ensiklopedya}}: CS1 maint: date auto-translated (link), Dictionary/Concordance, pahina B11.