Bellewaerde is e pretpark up tien minuutn van Yper-centrum. 't Is vernoemd noa e beke die derlansen lopt. Ieder joar komn d'r om en bie de 900.000 bezoekers.
Bellewaerde is upgedêeld in verschillige themoatische stikkn, lik Mexico (stik met Huracan (woar da vroeger Los Piratas wos), El Volador, den Boomerang,...), Far West (me de keverkes, de River Splash, ...), Jungle (den Voodoo River - de vroegere Suske en Wiske-bôotjes, de Monorail, ...), India (den Bengal Rapid River, dn Bengal Express, ...), Canada (de Niagara, den Screaming Eagle, ...) en KidsPark.