Comarca

'n Comarca (Spaans en Portugees meervoud comarcas, Katalaans meervoud comarques) is 'n tradisionele distrik of plaaslik administratiewe afdeling wat in dele van Spanje, Portugal, Panama en Brasilië aangetref word. Comarca staan ook as redolada bekend in die Oksitaanse dialek Aragonees.

In Spanje word die term comarca in verskeie streke gebruik. In Katalonië en Aragon bestaan comarca's as 'n plaaslike regering area en het dit 'n verteenwoordigende Comarca-raad (Katalaans: consell comarcal, Spaans: consejo comarcal). In Valencia bestaan die comarca slegs as 'n tradisionele streek met geen administratiewe bevoegdhede nie. In Galicia is die comarca of bisbarra tradisionele onderafdelings van grondgebied wat beperkte amptelike erkenning geniet, maar nie as administratiewe eenheid dien nie. In andere plekke in Spanje soos in Extremadura, kan comarca bloot 'n losweg gedefinieerde omgewing wees. Die tradisionele gebruik van comarca lei daartoe dat dit soms as die basis vir die bevordering van toerisme gebruik word met die klem op plaaslike kulturele tradisie en geskiedenis.

In Panama verwys comarca indígena na administratiewe streke met 'n beduidende Indiaanse bevolking. Driecomarca's is ekwivalent aan 'n provinsie terwyl twee kleiner comarca's ondergeskik aan 'n provinsie is en gesien word as ekwivalent aan 'n corregimiento (munisipaliteit).

In Brasilië is die comarca 'n gebiedsonderafdeling in die regstelsel. Dit dui 'n gebied aan wat deur 'n laerhof gedek word. Dit kan ook ooreenkom met 'n munisipaliteit, of kan verskeie klein munisipaliteite onder een hof verenig.