Ziqqurat

A ziqqurat (/dzikkurat/; cunnisciuta ancu, sicondu traduzioni funetichi diversi, com'è ziggurat, ziqqurath o ziggurath), hè a custruzzioni timpiari carattaristica di i riligioni di l'aria mesuputamica (sumera, babilunesa è assira).

Par via di a mancanza di petri in Mesuputamia i ziqqurat erani custruiti incù mattona crudi è cotti, incù canni liati in fasci è incù bitumi usati com'è calcina è com'è isulanti; si pensa ch'è i ziqqurat avissini cuntribuitu di manera sustanziali à a forma di i tempia. In Sardegna hè prisenti un singulari altari preistoricu, quiddu di Monti di Accoddi chì par i so formi è i so diminsioni richjama i ziqqurat mesuputamichi.