Polea

Una polea ye una máquina cenciella, un preséu mecánicu de tracción que sirve pa tresmitir una fuercia. Consiste nuna rueda con una canal na so periferia, pola que pasa una cuerda y que xira sobre una exa central. Amás, formando conxuntos —apareyos o polipastos— sirve p'amenorgar la magnitú de la fuercia necesaria pa mover un pesu.

Según la definición de Hatón de la Goupillière, «la polea ye'l puntu de sofitu d'una cuerda que moviéndose aróllase sobre ella ensin dar una vuelta completa» actuando n'unu de los sos estremos la resistencia y n'otru la potencia.^[1]

1. ↑ Definición citada nel Diccionario Enciclopédico Hispano-Americano, Montaner y Simón Editores, Barcelona, 1984, Tomo 15, p. 909.