Spaansche Spraak

Spaansch Kastilsch español/castellano
Snackt in	*Spanien Spanien, Westsahara Westsahara, Äquatoriaal-Guinea Äquatoriaal-Guinea, Latienamerika, Vereenigte Staaten Vereenigte Staaten (deelwiese)
Sprecher	Modersproke: 500 Millionen Alle: 600 Millionen
Klassifikatschoon	Indogermaansch Itaalsch Latino-Falisksch Romaansch Westibersch Iberoromaansch Spaansch
Offitschell Status
Amtsspraak in	Europa: Spanien Spanien, Europääsche Union Europääsche Union Afrika: Äquatoriaal-Guinea Äquatoriaal-Guinea Karibik: Kuba Kuba, Dominikaansche Republik Dominikaansche Republik, Vereenigte Staaten Vereenigte Staaten Puerto Rico Puerto Rico Noordamerika: Mexiko Mexiko Middelamerika: Guatemala Guatemala, El Salvador El Salvador, Honduras Honduras, Nicaragua Nicaragua, Costa Rica Costa Rica, Panama Panama Süüdamerika: Venezuela Venezuela, Kolumbien Kolumbien, Ecuador Ecuador, Peru Peru, Bolivien Bolivien, Chile Chile, Argentinien Argentinien, Paraguay Paraguay, Uruguay Uruguay Internatschonale Organisatschonen: Vereente Natschonen Vereente Natschonen (UN), Afrikaansche Union Afrikaansche Union (AU), SICA SICA (SICA), Süüdamerikaansche Union (UNASUR), CELAC, Oraganisatschoon van Amerikaanschen Staten (OAS), Latiensche Union
Spraakkoods
ISO 639-1	es
ISO 639-2	spa
ISO 639-3	spa

Spaansch, ook Kastilsch (op Spaansch: castellano, español) is de gröttste vun de romaanschen Spraken un dat is de drütt- oder veertgröttste Spraak up de Eer. 352 Mio Minschen hebbt Spaansch as Moderspraak un 417 Mio spreekt dat as Tweetspraak (Tallen vun 1999). De Mehrtall vun jem leevt in Latienamerika, uter in Brasilien, wo Portugeesch Landsspraak is.

Up dat ibeersche Halfeiland höört Portugal un dat Baskenland in’n Noorn nicht to dat spaansche Spraakrebeet. Meist warrt ok dat Katalaansch in’n Oosten as sülfstännige Spraak ankeken, wiel dat mehr na de Okzitaansche Spraak slechten deit.

De spaansche Spraak hett sik in de röömsche Besettertiet, de 600 Jahr duurt hett, ut dat Vulgärlatiensch rutbillt. Dat Latiensch veränner sik hier na un na, överduur aver liekers den Vandalenstorm un de Westgotenherrschap, vun de blots ganz wenige Sporen in den spaanschen Woortschatt trückbleven sünd.

Vun de Arabertiet, de darna keem, tüügt so um de 4000 Wöör, de to’n groten Deel an den araabschen Artikel al- to kennen sünd (algebra, alcalde, alfombra,almidon) De romaansche Charakter vun dat Spaansch bleev trutz disse Fremdherrschappen bestahn. König Alfons X. leet 1253 anorrn, dat de Dialekt vun Toledo, dat Kastilsche, as de spaansche Spraak för dat Riek gellen schull.

För de Düütschen, de Spaansch leert, sünd de Problemen nich grötter as bi Italieensch oder Franzöösch. Afgesehn vun w, ö, ü un de ganz roren k un x bedeent sik dat Spaansche mit dat latiensche Alphabet so as wi. Doch de Luutqualität vun wecke Teken is en beten anners. So klingt b un v meist gliek. Vör a,o un u warrt c as k spraken, g is temlich week un flüchtig, vör e un i klingt c so as dat stimmlose engelsche th, g un j so as dat düütsche ch in ach, un dat ch klingt as tsch, ll as lj, un dat ñ (mit de Tilde) as nj. Dat h is jümmers stumm (hija < Tochter > klingt as icha). De Betonen liggt bi Wöör mit n oder s an'n Enn up de vörlesde Sülv, sünst up de lesde. Wenn dat maal nich so is, denn warrt dat dör en Akzent düütlich maakt (álgebra, alcázar). Dat Bögen vun de Substantive un Adjektive is eenfach, wiel dat grammatische Geslecht an de Woortennen to kennen is.